Фото: news.bigmir.net

Қаңтардағы оқиғада Қазақстанның сегіз аймағында 53 әкімдік ғимараты, орта және шағын кәсіптің 151 нысаны бүлінген. Мұны индустрия және инфрақұрылымды дамыту министрі Қайырбек Өскенбаев үкімет отырысында хабарлады. 

Ғимараттар қиратылған аймақтар: Алматы, Шымкент, Алматы облысы, Шығыс Қазақстан облысы, Жамбыл облысы, Қызылорда облысы, Атырау облысы, Ақтөбе облысы. 

Министр олардың барлығы биылғы 20 ақпанға дейін жөнделетінін айтты. 

2 қаңтарда Қазақстанда Жаңаөзенде басталған газ наразылығының арты жаппай тәртіпсіздікке ұласты: Алматы мен өзге елді мекендерде әкімдік, бизнес нысандары мен оқу орындары қиратылды, мародёрлар сауда орталықтары мен дүкендерді тонады. «Атамекен» ұлттық кәсіпкерлер палатасы жалпы шығын 95 миллард теңге болды дейді.